Verslun og vefverslun, Íhlutir og smávörur. Viðgerðir á hljómtækjum, Yfirfærslur mynd- og hljóðefnis á stafrænt form, Smíðar og hönnun hljómtækja.
Þetta er tæki sem var smíðað 1973, árið sem Vestmannaeyjagosið var og ég var 13 ára gutti og flúði undan því.
Þetta er með fyrri cassettutækjunum frá Pioneer. Ég er búinn að eiga þetta eintak í nærri 38 ár og alltaf haft það í notkun.
Eina sem ég hef þurft að gera er að skipta um reimar og hreinsa í REC/Play skiptarann.
Var að skipta núna en það var eiginlega ekki þörf á því. Merkilegt hvað þetta virkar vel, ekkert Dolby en stilling fyrir Chrome tape.
Reimasettið :
Maggi
Nú erum við að gera gangskör að því að eiga til á lager ýmsar gerðir af Surround foam í hátölurum.
Við áttum ýmsar stærðir fyrir en erum að fylla á.
Bætist í safnið á næstu vikum.
Gott að skoða þessa grein:
Að gera við hátalarana sína sjálfur
Maggi
Fyrir nokkrum áratugum var vinsælt að taka kvikmyndir á 8mm formi. Margir eiga ómetanlega gullmola minninga á þeim
Fram til þessa hef ég þurft að vísa fólki annað sem er með 8mm kvikmyndir sem það þarf að fá skannað.
Nú erum við búin að festa kaup á skanna sem tekur 8mm og super8 kvikmyndir í yfirfærslur.
Ætti að vera hjá okkur eftir tvær vikur. Það verður spennandi að prófa. Þessi græja tekur mynd af hverjum ramma og raðar síðan í MPEG video skrá sem hægt er að skoða í tölvum og sjónvörpum. Um gæðin veit ég lítið en það skýrist við prófanir.
Fyrstu prófanir skila ásættanlegum niðurstöðum. Hins vegar þurfum við að hafa í huga hversu smár hver rammi er og upplausn á filmum mismunandi. Hver rammi á 8mm filmu er ekki nema 4.8 mm × 3.5 mm. Heldur stærri á Super-8 filmum.
Manni hættir við að bera gæðin saman við það sem okkur finnst eðlilegt í dag – en það er ekki sanngjarnt.
Svo eru þessar myndir í lit þannig að kornastærðin er talsverð.
Við horfum framhjá þessum annmörkum því það er það sem er á þessum upptökum sem gefur gildið en ekki upptökugæðin.
Maggi