Hér sjást mannvirki á Gufuskálum, mynd tekin úr mastrinu – á leiðinni upp.
Loranstöðin Sandur, (Lorsta Sandur) á Gufuskálum voru hluti af Loran-C kerfi Bandaríkjamanna sem spannaði yfir Norður-Atlantshafið frá Grænlandi og hluta af Evrópu
Hér langar mig að eiga punkta um Loran-C staðsetningarkerfið sem leyst var, víða, af hólmi með GPS. Þar er ég að tala um rekstur Bandaríkjamanna á Loran-C
Fremst vinstra megin er Duplexinn, þar sem við bjuggum lengst af, síðan skemman – þar var slökkvistöðin okkar með handvagni, lúðri og hvaðeina. Litli glugginn vinstra megin er þar sem hún var. Allir varahlutir í mastrið voru geymdir í skemmunni. t.d. komplett einangrunarfóturinn sem mastrið situr á, auk einangrara, beacon ljósa og glussatjakka til að lyfta undir mastrið!
Grunnarnir ofan við veg eru undan skemmu og gömlum messa, sem brann á allra fyrstu árunum, og voru notuð af verktökunum, (IPC – íslenskir aðal-verktakar) sem reistu húsin. Þarna voru krakkar stundum á skautum.
Síðan komu blokkirnar, fremst er elsta blokkin sem nú er horfin, miðblokkin og svo nýja eða Nato blokkin. Fyrir miðju er þvottahús / geymslur auk kyndihúss – þar framanvið er „Messinn“ samkomuhúsið okkar. Þar voru þorrablót, afmæli, fermingar og kvikmyndasýningar á fyrri árum og komu stundum filmur af vellinum. Þá var krökkum af Hellisandi smalað í bíó með Gufuskálakrökkum.
Þar framan við og hérna megin vegar, er gestahúsið. Þar gistu Officerar frá CG og önnur fyrirmenni í heimsóknum.
Síðan sjást olíutankarnir og græni hóllinn þar til hægri er vatnstankurinn. Við vorum með prívat borholu uppi við Hríshól sem er uppi í hrauninu.
Svo sjáum við stöðvarhúsið. Þar er, frá vinstri, fyrst að nefna bifreiðaverkstæðið – síðan vélasalurinn en restin af húsinu var undir búnað og lagera auk starfsmannaaðstöðu. Mér sýnist glitta í „Sendabíl“ sem alltaf var til taks – vestan megin við stöðvarhúsið.
Þarna voru lengst af sólarhrings-vélavaktir.
Mastrið sem sést á myndinni var gamalt Loran-A mastur sem notað var til að bera búnað til hlustunar á neyðarbátabylgjunni. ( 2182 KHz )
Tóftirnar beint upp af því eru þar sem gamli Gufuskálabærinn stóð en hann hafði farið í eyði áður en framkvæmdir hófust hér.
Loftnetaraðirnar tvær ( Whip Arrays ) efst á myndinni, voru notaðar við móttöku á Loran-A merki.
Myndin var tekin nokkrum árum áður lokað var. Við bjuggum þarna og ég vann þarna í um 10 ár.
Loran stendur fyrir Long Range Navigation
Loran-C er landfræðilegt „ground based“ staðsetningarkerfi.
LORAN-C kerfið Her eru punktar sem ég hef sett saman og er í áframhaldandi vinnslu.
Tower Manual Hér eru leiðbeiningar ef þú ætlar að reisa 412m hátt mastur…
Loranmen Hér fann ég lista yfir starfsmenn á Gufuskálum og á Monitor stöðinni í Keflavík, eitthvað sem Coast Guard átti
Langbylgjusendingar RUV á 189 kHz Aflagðar? ég ekki alveg sáttur hér.