Færslur

Birt þann

Upptökur á video

Nokkur atriði þegar video er tekið upp af tape.

Það þarf að gerast í rauntíma.

  1. Fyrst er spólan spiluð og keyrð inn á vinnslu-upptökuskrá eins og hún leggur sig.
  2. Fara handvirkt yfir hvort upptakan hafi heppnast og hljóðið sé í lagi. 
  3. Skoða hvort eyður séu á milli upptaka.    Þær klippi ég frá. 
  4. Rendera.   Það er þegar endanleg video-skrá er unnin upp úr vinnsluskránni.

Hjá okkur erum við með 2-3 upptökutölvur og eina sem sinnir renderingum.

Auk þess erum við með tvær gagnastæður (NAS box) til að geyma afurðirnar.

Upptökur sem verða til hjá okkur eru vistaðar í uþb. 4 vikur á gagnastæðum eftir að viðskiptavinur hefur sótt þær en síðan er upptökunum eytt.

Þetta er gert til öryggis ef eitthvað misferst við verkið eða beðið er um aukaafrit.

Maggi

 

 

Birt þann

Radionette Kvintett Lampaútvarpstæki

Radionette Kvintett

Tæki eins og þetta, Radionette Kvintett Lampaútvarpstæki frá því um 1966-7 er búið að vera í viðgerð hjá mér og er nú komið í lag.   

Það er svo mikill sjarmi yfir þessum gömlu tækjum, sérstaklega ef þau komast í lag.    

Ég þurfti að þræða skalasnúrurnar báðar rétt upp.  Það er ekki einfalt mál í svona tækjum.  Tveir skalar og mekanísk kúppling!   Auk filterþétta í spennugjafa og óhreina skiptara.

Svona tæki ( og komandi úr viðgerð hjá mér ! )  finnast á minjasöfnum eins og hér

Maggi

Birt þann

Slides myndir

Við tökum slides myndir og skönnum yfir á stafrænt form. 

Slide rammi og filma

Slides myndir geta verið í ótrúlegum gæðum og upplausnin góð.    Oft er hitt algengara og ekki síst ef geymsla þeirra hefur ekki verið sem best.   Algengt er að sjá rispur og fingraför inni á þeim. 

Það rýrir samt ekki verðgildi þeirra sem þekkja til myndefnisins eða eru jafnvel hluti þeirra.  

Slides frá Kodak komu oftast í pappaformi og þá er gott að átta sig á hvort mynd er spegluð eða ekki þegar hún kemur úr skönnun.  

Ég man eftir að slidesmyndir á mínu bernskuheimili voru oftast þannig meðhöndlaðar að filmur í 6-mynda lengjum voru klipptar niður og raðað handvirkt í ramma.  Þetta var svona með Agfa og Fuji filmur.  Hvítur öðru megin og dökkur hinum megin.   Hjá okkur var raðað þannig að maður horfði rétt á myndina frá hvítu hiðinni.

Ég hef rekið mig á að slides myndir, í svona römmum, sem ég fæ til vinnslu – geta snúið allavega.     Þá þarf ég að skoða og yfirfara hvort klukka á vegg eða texti á bókarkili snúi rétt.   

Auk þessa get ég, að ákveðnu marki, afmáð augljósar skemmdir og hluta myndflatar. td ef mynd er að hluta yfirlýst.   ( Algengt með öftustu myndirnar á filmunum)

Þessi vinna er innifalin í verkinu.

Maggi