Author: Magnús Hermannsson

Birt þann

NTSC Yfirfærslur

    Bæst hefur í tækjaflota verkstæðisins Videotæki til að geta tekið NTSC spólur í afritun.

Þetta hefur vantað alfarið.

Flest myndbandstæki sem seld voru hér af nýlegri gerðum, geta spilað NTSC spólur á PAL sjónvarp en ekki er hægt að nota það fyrir upptökur.

Það heitir Panasonic MD835 og var hannað til að taka upp ultrasonic images á læknastofum.

Firnagott Professional tæki sem skilar afbragðsgóðum árangri.

Það er til viðbótar Prof JVC tæki fyrir PAL upptökurnar.

NTSC er Ameríska kerfið en PAL er notað í Evrópu

Maggi

Birt þann

Nostalgía

Til að uppfylla ákveðna nostalgíu-eftirsjá hjá mér sjálfum, þá hef ég flutt inn modulu til að keyra s.k. indicator lampa.

Margir muna eftir grænum skalalömpum á gömlum útvarpstækjum sem notaðir voru til að hjálpa við að stilla rétt inn á útvarpssendinguna.

Þetta sást líka oft á segulböndum af eldri gerðinni og var notað í stað mæla sem síðar komu.

Mér finnst þessir grænu skalar dálítið flottir og spes.

Hugsa að ég hafi þetta á einhverjum af þeim mögnurunum sem ég er með í kollinum.

Þessi eining heitir 6E2 Indicator module kit í vef-Versluninni

 

Maggi

Birt þann

Að skilja mögnun í lampa

Hægt er að nota hluti úr næsta umhverfi til að skilja mögnunarvirkni í lömpum.  t.d. vatn í slöngu eða það sem er ekki minna lýsandi,

Sterkt ljós á bak við rimlagardínu.  Við hugsum okkur ljósið sem katóðu, gardínuna sem grind og það sem er fyrir utan gluggann sem anóðuna/plötuna.

með smá hreyfingu á rimlunum stjórnum við miklu ljósmagni.

í lömpum er losað um elektrónur með því að hita katóðuna.  Hægt er að draga þær yfir á plötuna (Anode) með því að setja á hana háa positíva spennu.   Með lítilli spennubreytingu á grind sem er þarna á milli – stjórnum við talsverðum straumi,  meiri straumbreytingum en ætla mætti af grindinni = mögnun.

Maggi