Nafngiftir á lömpum – Evrópa

Sumir velta fyrir sér hvað standi eiginlega á bak við númerin sem eru á lömpunum.  Það eru ákveðin kerfi á bak við það.

í þessari grein fjalla ég um nafngiftir lampa eins og tíðkuðust í Evrópu.  Þessar hefðir eru enn virtar og notaðar við framleiðsluna í dag.

Fyrsti stafur er glóðarspenna eða straumur,  annar og þriðji lýsa hvers konar element eru í lampanum og númerið lýsir sökkulgerð og eiginleikum.  Þetta er sótt m.a. á Wikipedia

t.d.   ECC82  hér er með 6.3V glóð, tvær smásignal tríóður og er með 9BA sökkul

ECL81    væri 6.3V glóð, smásignal tríóða og pentóða í sama húsi og með 9BA sökkli.  (9-pinna)

EL34 er þá lampi með 6.3V glóð og einni pentóðu og verandi með octal sökkul.

GZ32 væri þá afriðilslampi (tvær díóður) með 5V glóð og octal sökkli

Lesa áfram „Nafngiftir á lömpum – Evrópa“

Hvað er blámi?

Svar:

Blátt plasmagas getur myndast innan á glerinu eð við götin á plötunni.  Þetta stafar af hárri pennunni, leyfum af loft-molekúlum sem orðið hafa eftir við framleiðsluna og fljúgandi elektrónum.   Meira ber á þessu undir meira álagi,  of hárri plötuspennu eða illa stilltum Bias.

Þetta er eðlilegt.  Rauður litur og hitablettir á plötunni eru það hins vegar ekki.

Sjá má flökt á blámanum eftir álagi lampans.

Maggi

Hvað er Getter flash?

Lampinn hægra megin er með brest í glerinu

Svar:

Getter flash er silfraða húðin sem sést innan á glerinu.

Getter er annaðhvort hringur eða bolli sem festur er við innvolsið í lampanum,  – efst eða neðst þannig að frussið frá þeim lendi ekki á innvolsinu.

Til þess að trygga algert lofttóm innan í lampanum er komið fyrir sérstökum málmum í litlum bollum eða hringjum,

Span- (Induction) hitun

Síðasta verkið í framleiðslunni er að „fíra getterinn“

Lampanum er þá, að lokum, stungið í sterkt segulvið sem kveikir málminn og eyðir síðustu lofteindunum sem ekki náðust með lofttæmi-pumpunni.

Ef lampinn brotnar eða lekur, verður þessi húð hvít eins og skot.

Maggi