Magnarar teknir í yfirhalningu

Með yfirhalningu er magnarinn nánast gerður eins og hann var nýr.   

Ýmsir íhlutir í honum eldast verr en aðrir.    Þar eru helst að nefna electrolyt þétta sem eitthvað spennuálag er á,  t.d. í filteringum og þvílíkri notkun.

Electrolyt þéttar í Signal-path halda sér, sumir hverjir, betur.

Þéttar framleiddir í dag eru í sumum tilfellum, (ekki öllum) betri en þeir gömlu.  Þess má líka geta að allir electrolyt þéttar í tækjum sem ekki eru í notkun um langan tíma, geta skemmst.

Stundum er skipt um transistora,  sérstaklega framarlega í magnaranum vegna suðeiginleika.   Sumar gerðir transitora suða meira en aðrar.

Skipt er um s.k. tantalium þétta („electrolyt þéttar í blobbu“) sem gjarnan eru með fremstu íhlutum í hverri mögnunareiningu.  (viðkvæmt merki)

Stóru filterþéttarnir í spennugjafanum eru sérstaklega skoðaðir.   Þaðan fær jú magnarinn aflið.   Þeir mega ekki missa rýmd.   Þá getur farið að vanta „úmpfið“ í magnarann.    Að sama skapi þarf að skoða spennustýringar (reguleringar) í spennugjafanum,   þar er oft nauðsynlegt að skipta um transistora.

í öllum tilfellum þarf að fara yfir og endurnýja lóðningar.

Sundurtekinn

Að framkvæma þetta verk krefst talsverðar kunnáttu og leikni í rafeindafræði. 

Þetta er gert í nokkrum verkþáttum.   Alltaf virkniprófað milli þátta.   Hver virkniprófun getur varað í allt að tveimur tímum.

 

  • Magnarinn metinn almennt og útlitslega.  Hvort þetta borgi sig yfirleitt
  • Virkniprófaður,  þar er horft til tíðnisvörunar, suðs, bjögunar og útgangsafls. 
  • Teknar grunnmyndir af öllum rásum, tengingum og víringum. 
  • Service Manuall yfirfarinn (teikningarnar)  og viðkvæmustu punktar fundnir.  Aldrei er átt við magnara á þennan hátt öðru vísi en fyrir liggi allar teikningar.
  • Þá er komin sk. baseline fyrir verkið. 

Höfum í huga að frá blómatíma svona almennilegra magnara, voru hönnuðir oft býsna glúrnir að finna góðar lausnir og velja íhluti vel.

Ég er ekki fylgjandi þeirri skoðun sumra að „re-cappa“ alfarið.  Það þarf ekki alltaf að skipta út þéttunum.   Þetta vil ég meta í hverju tilfelli.

Sjá verkefnin hér 

Maggi

 

Heathkit AA-50 Lampamagnari

AA-50 frá Heathkit

   Svona magnari kom til viðgerðar hjá mér.   

Þá var hægt að kaupa ósamsetta og fylgdi þá þykk bók með hvernig maður á að bera sig að.   

Það skiptir máli hvernig vírar liggja og hvort þeir eru snúnir td. 

Þessi var með bilaða biasstýringu sem á endanum hefði eyðilagt alla útgangslampana.  (Seleníum díóða)   Sem betur fer slapp það til.

Ég er mjög ánægður með árangurinn og að rifja upp hversu hann hljómar vel!

Maggi

Lenco B55 Plötuspilari

Hér er einn af þessum sem ég kalla „Úlf í sauðargæru“.   Kom til mín um daginn. Eigandinn var að taka til á háaloftinu og sá hann.

Engin reim – heldur ekki direct drive.   Flott svissnesk nákvæmissmíð.

Ég er búinn að fara um hann höndum og nú spilar hann eins og engill.   Meira segja er í honum original pickupið og nothæf nál!    Þegar hún klárast skiptum við um pickup, því ekki fæst lengur í hann.

Hér er prófun í gangi.

 

Maggi