Category: Á döfinni

Það sem er efst á baugi

Birt þann

ATS-25 plus Stuttbylgjumóttakari

Er búinn að fá einn af þessum til prófunar og sölu.  Þetta er heilmikill móttakari þótt ekki sé umfangið stórt.

Maður er smá stund að læra á að nota snertiskjáinn og ég með mína putta rétt slepp.

Tekur öll bönd á stuttbylgju,  bæði commercial og amatör.  USB og LSB að sjálfsögðu.  FM, AM og Langbylgju.

Mjög skemmtileg funksjón er að láta hann skanna spectrumið og birta á skjánum nálægar útsendingar. 

Innbyggð Li-Ion rafhlaða sem hlaðin er með USB-c. 

Hörðustu amatörar horfa eflaust á þetta sem skemmtilegt leiktæki.     Amk verður að tengja við hann gott loftnet til að ná árangri.    Loftnets-stubburinn sem fylgir með dugar nánast bara fyrir FM

Er að prófa hann betur.

Finnst í versluninni hér

Maggi

Birt þann

Yfirfærsla 8mm og Super 8mm kvikmynda

Til að skanna 8mm kvikmyndirFyrir nokkrum áratugum var vinsælt að taka kvikmyndir á 8mm formi.    Margir eiga ómetanlega gullmola minninga á þeim 

Fram til þessa hef ég þurft að vísa fólki annað sem er með 8mm kvikmyndir sem það þarf að fá skannað.

Nú erum við búin að festa kaup á skanna sem tekur 8mm og super8 kvikmyndir í yfirfærslur.  

Ætti að vera hjá okkur eftir tvær vikur.    Það verður spennandi að prófa.   Þessi græja tekur mynd af hverjum ramma og raðar síðan í MPEG video skrá sem hægt er að skoða í tölvum og sjónvörpum.    Um gæðin veit ég lítið en það skýrist við prófanir.

Fyrstu prófanir skila ásættanlegum niðurstöðum.    Hins vegar þurfum við að hafa í huga hversu smár hver rammi er og upplausn á filmum mismunandi.   Hver rammi á 8mm filmu er ekki nema  4.8 mm × 3.5 mm.   Heldur stærri á Super-8 filmum.    

Manni hættir við að bera gæðin saman við það sem okkur finnst eðlilegt í dag – en það er ekki sanngjarnt.

Svo eru þessar myndir í lit þannig að kornastærðin er talsverð. 

Við horfum framhjá þessum annmörkum því það er það sem er á þessum upptökum sem gefur gildið en ekki upptökugæðin.  

Maggi