Month: nóvember 2023

Birt þann

Langbylgjusendingar RUV á 189 kHz – Aflagðar?

Mynd tekin innan í netinu og niður, daginn sem ég fór í það en þorði ekki alla leið.

 

 

 

 

 

 

Ég er ósáttur við áætlanir RUV um að leggja af sendingar á langbylgju á 189 kHz. Ég tel þær enn mikilvægan hlekk í öryggisneti í almannaþágu á víðsjárverðum tímum.

   1.10.2024   Nú sýnist mér að þessar útsendingar hafi verið aflagðar án  nokkurar umræðu eða frétta.   Ég fæ engar skýringar frá RÚV.

Samkvæmt upplýsingum frá RUV hafa sendingar á 189 kHz verið undanfarið á lækkuðum styrk. Þetta veldur því að dreyfingarsvæðið minnkar.   

Þessu tók ég eftir og gerði fyrirspurn.  

Þetta kemur til viðbótar því að útsendingar frá Eiðum lögðust af.

Eflaust eru menn að sjá ofsjónum yfir kostnaði við útsendinguna en ég óttast frekar hitt að verið sé að ýta fólki smám saman frá því að nota langbylgjuna, hún náist hvort sem er svo illa!

Að segja að útvarpstæki með langbylgju fáist ekki – er hreinlega ekki rétt.   Að vísu ekki algengt orðið í bíltækjum en enn algengt í ferðatækjum

Ég hef verið í sambandi við starfsmann RUV sem fullvissar mig um að FM öryggisnetið verði fyllilega nægilegt.  Bætt hafi verið við sendum á hálendinu og áætlanir séu með uppbyggingu varaafls á sendum.

Einnig að millitengingar milli senda séu ekki eingöngu gerðar á ljósleiðurum.

  • Ég legg til og mæli með að meðan loftnetið á Gufuskálum er ekki í gríðarlegum aukaviðhaldskostnaði og sendirinn í lagi,  að sendingum verði haldið áfram og án afsláttar.
  • Ég þekki það frá fyrstu hendi að loftnetið fékk fyrsta flokks viðhald þar til RUV fékk það til afnota.
  • Að ekki sé verið að keyra sendinn á lækkuðu afli og trufla þannig eðlilega notkun.    Eldgos í Grindavík eða forsetakosningar virðast ekki einu sinni næg rök til að vera á fullu afli.

Magnús Hermannsson

Ég var á Hellissandi nú í ágúst,  og auðvitað með vandað útvarpstæki með mér.  Vissulega náðist að hlusta á 189 kHz en ég náði engri – engri útsendingu á FM.  Ekki mjög hughreystandi.

Svo er hörmung að sjá hvað netið fær lítið viðhald ef nokkuð.  Ekki málað í áraraðir.  Engin blikkandi ljós í netinu og ljóslaust í toppnum.   Það eitt var alger frágangssök þegar ég var og þekkti til þarna.

MH 

Birt þann

Gagnasendingar á neti

Við skilum verkefnum okkar yfirleitt á flökkurum fyrir stærri verk og á minnislyklum fyrir smærri verkin.   Það ræðst helst af gagnamagninu.

Við hér á verkstæðinu mælum alltaf með að hafa dýrmætu myndirnar nærri og á miðlum sem við ráðum alfarið.   Að geyma í skýjalausnum er gott líka en maður þarf að muna vankantana.

Nú ætlum við að bjóða upp á að viðskiptavinir geti sótt (smærri) verk í gegn um netið.    

  • Það gerist á þann hátt að viðskiptavinir fá sendan hlekk í pósti sem er virkur í ákveðinn tíma,  t.d. 7 daga
    • Þaðan er hægt að niðurhala efninu og vista að vild.
      • Til að auka öryggið fær viðskiptavinur „eins-skiptis“ lykilorð sent (dulkóðað) til að opna á niðurhalið.
  • Þegar niðurhalstíma lýkur lokast á hlekkinn.  

Afrit verka eru hins vegar alltaf geymd í u.þ.b. 4 vikur á netþjónum okkar, eftir afhendingu.   

Það er gert til öryggis ef eitthvað fer úrskeiðis.